වක්තෘ මුහම්මද්ﷺ තුමාගේ පහළවීම පිළිබඳව බයිබලයේ සඳහන් අනාවැකීන්, බයිබලය විශ්වාස කරන පුද්ගලයන්ට ඉස්ලාමයෙහි සත්‍යතාවය සඳහා ඇති සාක්ෂින් වෙයි.

බයිබලය

බයිබලය

නුඹේ සහෝදර ජනතාව අතරින් නුඹ හා සමාන දිවැසිවරයෙකු තෝරා පත්කොට, ඔහු කිය යුතු දේ ඔහුට කියා දෙන්නෙමි. ඔහුට මා අණ කරන සියල්ල ඔවුනට ඔහු දන්වනු ඇත. යමෙක් මාගේ නාමයෙන් ඔහු කියනදේට සවන් නොදෙන්නේ නම්, මම එවැන්නෙකුට ද’ුවම් කරමි.ම (ද්විතීය නීති සංග්‍රහය 18 : 18 – 19) 1

ඉහත වැකි වලින් අප නිගමනය කළ හැකි වන්නේ දෙවියන්වහන්සේ විසින් එවීමට නියමිත වක්තෘවරයාණන්,

1) මෝසස් වැනි වක්තෘවරයෙක් විය යුතු බවත්.
2) ඔහු යුදෙව්වන්ගේ සහෝදරයන් අතුරින් පැමිණිය යුතුව ඇති බවත් හා,
3) දෙවියන්වහන්සේගේ වදන් වක්තෘවරයාගේ මුවට දැමූවිට ඔහු දෙවියන්වහන්සේගේ අණ පණත් කියාපෑ යුතු බවත්ය.

මෙම කරුණු ගැඹුරින් අධ්‍යනය කර බලමු.

1. මෝසස් වැනි වක්තෘවරයෙක් විය යුතුය.

මෝසස් හා වක්තෘ මුහම්මද්ﷺ තුමාණන් තරම් සමානතාවයන්ගෙන් යුත් වක්තෘවරුන් දෙදෙනෙක් තවත් නොමැති තරම්ය. ඔවුන් දෙදෙනාටම ජීවිතය පිළිබඳව ඉතාමත් පෘථුල නීති සංග්‍රහයක් ලබා දී ඇත. ඔවුන් දෙදෙනාම ඔවුන්ගේ සතුරන් සමග සටන් කොට ඉතාමත් විශ්මය ජනක ආකාර වලින් ජය ලබා ඇති අතර ඔවුන් දෙදෙනාම වක්තෘවරුන් ලෙස හා උසස් දේශපාලකයන් ලෙස පිළිගැනිමට ලක්ව ඇත. ඔවුන් දෙදෙනාවම ඝාතනය කිරීමේ කුමන්ත්‍රණ වලින් පසුව ඔවුන් වෙනත් ප්‍රදේශයන්ට සංක්‍රමණය කොට ඇත. මෝසස් හා වක්තෘ මුහම්මද්ﷺ තුමාණන් අතර සමානතාවයන් අතරට ස්වභාවික උපත, පවුල් ජීවිතය හා එතුමාන්ගේ මරණය අඩංගු වන අතර, මෝසස් හා යේසුස් ක්‍රිස්තුස්වහන්සේ අතර ඇති සමානතාවයන් ඉහත සඳහන් කරුණු මඟින් නොපෙනී යයි. එපමණක් නොව යේසුස් ක්‍රිස්තුස්වහන්සේගේ අනුගාමිකයන් විසින් එතුමාව මුස්ලිම්වරුන් සිතන ආකාරයට, මුහම්මද් හා මෝසස් නම් වූ වක්තෘවරයෙකු ලෙසන් පමණක් නොසලකා එතුමාව දෙවියන්ගේ පුත්‍රයා ලෙසද සළකන ලදි. එබැවින්, ඉහත අනාවැකිය මඟින් සඳහන් කරනුයේ යේසුස් ක්‍රිස්තුස්වහන්සේ පිළිබඳව නොව වක්තෘ මුහම්මද් තුමාණන් පිළිබඳවයි. මක්නිසාද යත්, යේසුස් ක්‍රිස්තුස්වහන්සේට වඩා මෝසස්ට සමානතා දක්වනුයේ වක්තෘ මුහම්මද් තුමාණන් වන බැවිනි.

එසේම, යුදෙව්වන් විසින් පැහැදිළි අනාවැකින් තුනක් සත්‍ය වනතුරු මග බලා සිටි බව ජුවාම් තුමාගේ ශුභආරංචිය(Gospel) මඟින් සඳහන්වේ. ඉන් පළමුවැන්න යේසුස් ක්‍රිස්තුස්වහන්සේගේ පැමිූමයි. දෙවැන්න වුයේ එලියාගේ පැමිූිමයි. තෙවැන්න වුයේ වක්තෘවරයාණන්ගේ පැමිූිමයි. ශුද්ධ වූ ජුවාම් තුමාට යොමුකරන ලද ප්‍රශ්න තුනෙන් මෙය ඉතාමත් පැහැදිලි වෙයි.”නුඹ කවරෙක් දැයි අසන පිණිස යුදෙව්වරුන් විසින් ජෙරූසලමේ සිට පූජකයන්ද ලෙවීයයන්ද යැවූ කළ, ජොහන් සාඬි දෙමින්, මම ක්‍රිස්තස්වහන්සේ නෙවෙමි යි නොසඟවාම ප්‍රකාශ කළේය. එසේ නම් කිමෙක්ද? නුඹ එලියාදැයි ඔව්හු ඇසුහ. නැතැයි ඔහු කීය. නුඹ ඒ දිවැසිවරයාද? යන ප්‍රශ්ණයටත් ඔහු නැතැයි කීය. (ශුද්ධ වූ ජුවාම් (ජොහන්) : 19 – 21) ”පැහැදිළි කිරීමේ සටහන් සහිත බයිබලයකින් අප මේ පිළිබඳව අවධානය කළහොත් එහි පැති මායිම්වල ඇති විස්තර සටහන් වල ්‍රදිවැසිවරයා෿ (වක්තෘවරයාණන්) යන වචනය ශුද්ධ වූ ජුවාම් (ජොහන්) 1 : 21 හි ඇති ස්ථානයත්, ද්විතීය නීති සංග්‍රහයේ 18 : 15 හි හා 18 :181 හි සඳහන් අනාවැකි වලට සමාන වන බවත් අපහට දැකගත හැක. මේ සියළු තොරතුරු මඟින් අපට නිගමනය කරනුයේ ද්විතීය නීති සංග්‍රහයේ 18 : 18 හි අනාවැකි මඟින් අදහස් කරනුයේ ක්‍රිස්තුස්වහන්සේ පිළිබඳව නොව වක්තෘ මුහම්මද්ﷺ තුමාණන් පිළිබඳව බවයි.

2. යුදෙව්වන්ගේ සහෝදරයෙක්

ආබ්රහම් හට, ඉෂ්මයිල් හා ඊසාක් යනුවෙන් පිරිමි දරුවන් දෙදෙනෙකු වූහ. (උත්පත්ති කතාව 21) ඉෂ්මයිල් අරාබි ජාතිකයන්ගේ පරපුරෙහි පියා විය. ඊසාක් යුදෙව් ජාතිකයන්ගේ පරපුරෙහි පියා විය. සඳහන් කර ඇති වක්තෘවරයා පැවත ආ යුත්තේ යුදෙව් ජාතික පරම්පරාවෙන් නොව ඔවුන්ගේ සහෝදර පරම්පරාවෙනි (ඉෂ්මයිල් පරම්පරාව). මුහම්මද් යනු ඉෂ්මයිල් පරම්පරාවෙන් පැවතෙන්නෙකි.

තවද බයිබලයේ යොසායා 42:1-13 හි පවසන්නේ දෙවියන්වහන්සේගේ සේවකයා යනු ඔහු විසින් “තෝරාගන්නා ලද පුද්ගලයා” හා ව්‍යවස්ථාව ගෙනෙන “වක්තෘවරයා” ලෙසයි. “සැබැවින්ම යුක්තිය ඉටු කරන්නේය. එතුමා කලකිරෙන්නෙවත්, අධෛර්‍ය වන්නෙවත් නැත    මිහිපිට යුක්තිය පිහිටවන තුරු එතුමාගේ දහම් මග උදාවනතුරු දිවයින් බල සිටිනු ඇත( යොසායා 42:4).1“ තවද 11 වන වාක්‍යයේ, බලාපොරොත්තුවෙන් සිටි වක්තෘවරයා කේදර්වරුන්ගෙන් පැවතෙන්නෙක් ලෙස සඳහන් වේ. කේදර්වරුන් යනු කවරෙක්ද? උත්පත්ති කතාවේ 25:13 හි පවසන පරිදි කේදර් යනු ඉෂ්මයිලගේ දෙවන පුත්‍රයා වේ. එනම් වක්තෘ මුහම්මද් තුමාගේ මුතුන්මිත්තාය.

3. දෙවියන්වහන්සේගේ වදන් වක්තෘවරයාගේ මුවට දැමූවිට ඔහු දෙවියන්වහන්සේගේ අණ පණත් කියාපෑ යුතුයි.

දෙවියන්වහන්සේගේ වදන් (ශුද්ධ වූ අල් කුර්ආනය) ඇත්තටම මුහම්මද් තුමාගේ මුවගට දමන ලදී. ජිබරායීල් දේව දූතයාගේ මාර්ගයෙන් දෙවියන්වහන්සේගේ සත්‍ය වූ වදන් (ශුද්ධ වූ අල් කුර්ආනය) මුහම්මද් තුමාට එවූ අතර ඒවා ඇසුන ලෙසම ලියා ගැනීම පිණිස මිනිසුන්ට කියන ලෙසට ඔහුට අණකරන ලදී. එබැවින් එම වදන් ඔහුගේ නොවන අතර ඒවා ඔහුගේ අදහස් තුළින් ආ දේවල්ද නොවේ. ඒවා ජිබරායීල් දේව දූතයා මඟින් ඔහුගේ මුවඟට දැමූවකි. මුහම්මද් තුමාගේ ඡීවිත කාලය පුරාවට ඔහුගේ අනුදැනුම මත මෙම වදන් ඔහුගේ අනුාමිකයන් විසින් ලියා තැබූ අතර ඔවුන් එය වනපොත් කළහ. ද්විතීය නීති සංග්‍රහයෙහි මෙම වක්තෘත්වය පිළිබඳව දෙවියන්වහන්සේ මෙසේ පවසයි.” යමෙක් මාගේ නාමයෙන් ඔහු කියනදේට සවන් නොදෙන්නේ නම්, මම එවැන්නෙකුට ද’ුවම් කරමි.”(ද්විතීය නීති සංග්‍රහය 18 : 18 – 19) එනම් බයිබලය විශ්වාස කරන කව්රුන් හෝ වේවා මෙම වක්තෘවරයා පවසන දෙය පිළිපැදිය යුතුයි. මෙම වක්තෘවරයා වන්නේ මුහම්මද් තුමාය.

Footnotes:

1) මෙම බයිබල් වාක්‍යයන් අංක 293, ගාලු පාරේ කොළඹ 03 පිහිටි ශ්‍රී ලංකා බයිබල් සංගමයෙන් ලබා ගත් සිංහල භාෂාවෙන් පරිවර්ථනය කරන ලද ර්‍තේමා පටුන සහිත ශුද්ධ බයිබලය නව අනුවාදය, තෙවන සංස්කරනයෙන් උපුටා ගත්තකි. (The Holy Bible with subject index, New Revised Sinhala Version)(New Translation – Third Edtion)

source:-A Brief Illustrated guide to understanding Islam (www.islam-guide.com)ඇසුරිනි

http://obataislam.com/wp-content/uploads/2015/06/biblemuhammad.jpghttp://obataislam.com/wp-content/uploads/2015/06/biblemuhammad-300x300.jpgAdminකිතුණු දහමඅල් කුර්ආනය,ඉෂ්මයිල්,ඉස්ලාමයෙහි සත්‍යතාවය සඳහා සාදක කිහිපයක් I,ඉස්ලාම්,ඉස්ලාම් පිලිබඳ අවබෝධයකට රූපිත මග පෙන්වීමක්,උත්පත්ති කතාව,ක්‍රිස්තුස්,ක්‍රිස්තුස්වහන්සේ,ජොහන්,ද්විතීය නීති සංග්‍රහය,පුත්‍රයා,බයිබලය,මුහම්මද්,මෝසස්,යුදෙව්වන්,යේසුස්,යොසායා,වක්තෘ,ශ්‍රී ලංකා බයිබල් සංගම,ශුද්ධ වූ ජුවාම්
වක්තෘ මුහම්මද්ﷺ තුමාගේ පහළවීම පිළිබඳව බයිබලයේ සඳහන් අනාවැකීන්, බයිබලය විශ්වාස කරන පුද්ගලයන්ට ඉස්ලාමයෙහි සත්‍යතාවය සඳහා ඇති සාක්ෂින් වෙයි. නුඹේ සහෝදර ජනතාව අතරින් නුඹ හා සමාන දිවැසිවරයෙකු තෝරා පත්කොට, ඔහු කිය යුතු දේ ඔහුට කියා දෙන්නෙමි. ඔහුට මා අණ කරන සියල්ල ඔවුනට ඔහු දන්වනු ඇත. යමෙක් මාගේ නාමයෙන් ඔහු කියනදේට සවන්...